من اين أبدأ مجال الشبكات..

لكي تبدأ بمجال الشبكات يستحسن أن تبدأ بشهادة CCNA و التي تفتح لك العديد من المجالات اذا أحببت أن تكمل في مسار Cisco
كشهادة CCNP بفرعها و شهادة CCIE و أيضا هناك تفرعات لشهادة CCNA مثل
CCNA-Voice
CCNA-Security
CCNA-R&S "Routing & Switching"
CCNA-Design


أيضا هناك شهادة N+ و لكن هي موجهة للفنينيين أو التقنيين من حملة الدبلومات و ليست بنفس قوة شهادات Cisco
أيضا شركة Microsoft توفر عدة شهادات في مجال الشبكي من ناحية Software و ليش من ناحية Hardware و التي تقدمها Cisco



إذن لابد لك أن تتعلم شيء عن صيانة الحاسب الآلي مثل مكوناته وأنواعها وتركيبه وتحميل نظام التشغيل عليه وأنواع نظم التشغيل مثل الويندوز وتركيب كذلك البرامج من أول الأوفيس لغاية الجافا وإصلاح المشاكل في الهاردوير أو السوفت وير أي البرامج و...
إذن البداية بدورة A+ وهذه الدورة تقدم من خلال شركة CompTIA
مش هأتكلم عن تفاصيل الدورة ولعلها تكون في حلقات أخرى لكن طيب وبعدين
آه لازم تكون عندك أساسيات هذا العلم علم الشبكات وهذا ليس من أي شركة منحازة لمنتجها على حساب المنتجات الأخرى من الشركات المنافسة
زي ما سيسكو طوال النهار والليل بتتكلم عن أجهزتها و
ميكروسوفت طوال الليل والنهار بتتكلم عن برامجها
فالشبكات والله العظيم ولا أكون مبالغ علم عظيم من علوم هذا العصر علم يحتاج لأعمار فيه تفنى لكن الله الموفق نسأل الله أن يبارك لنا في أعمارنا وأن يعمرها بما ينفعنا في الدنيا والآخرة
طيب يعني أبدأ بعد A+ بإيه
نفس الشركة CompTIA تقدم دورة في مبادئ وأساسيات الشبكات تسمى
Network+
طيب ممتاز وعلى فكرة هذه الدورات قد تكون مكلفة لكن وقتها ليس بالطويل
A+ ممكن ثلاثة أشهر
Network+ أيضاً ثلاثة أشهر
مش تقولي يعني 6 شهور لأ كتير يا حبيبي ضاع من عمرك أكثر منهم في الوقوف على الناصية مع عيال الحته والضحك واللعب في ما لا ينفع وقد يضر
معلش مش تزعل مني لكني لك ناصح
وعلى فكرة مش تقلق وتقول هو ده اللي أنا كنت خايف منه التكلفة المادية يا سيدي في هذا المنتدى المبارك شرح بالفديو لكثير من الدورات اللي راح أتكلم عليها اليوم
وإذا لم يكن هناك فديو هتلاقي ملفات وورد وبوربوينت وأكروبات ريدر
ملئانه بالشروحات لكن فعلاً إذا كان هناك مشكلة فستكون في اللغة الإنجليزية ولأن معظم هذه الكتب باللغة الإنجليزية
وهذه كمان حلها سهل يا سيدي بس
وحد الله كده وصلى على حبيبي وحبيبك المصطفى صلى الله عليه وسلم
لازم تقوي نفسك في اللغةالإنجليزية إزاي طيب من غير كورسات ما أنا قلت لك الحالة تعبانة
بص يا سيدي
طبعاً كل شيء في بدايته لازم تتعب أوك متفقين ومفيشورد من غير شوك إزاي أول حاجة مشكلتنا في اللغة إننا حفظين كلمات مش جمل
فيه كتب بتحفظك جملجمل تقال في الفندق جمل تقال في المطعم جمل تقال في الجامعة وهكذا ومن هنا هتلاقيحصيلة الكلامات كبيرة بالإضافة إلى المحادثة الجيدة
وبعدين أي كلمة توقف معاك دورعليها في القاموس
والله أنا في بداية دراستي باللغة الإنجليزية كنت جلست ليلةأترجم في صفحة خمس ساعات يا مسلم وإكتشفت في النهاية إنها مقدمة الكتاب (إبتسامة)


لكن تيأس وتقول بس اللغة صعبة ومش هأقدر ده كلامفاضي صراحة إحنا محتاجين لرجال لهم همم وهم همم تناطح الجبال وهمهم رفعة الأمةوالله المستعان
طيب وبعدين
إنت كده الآن تمام وعلى فكرة تقدر بالدورتين أو الكورسين اللي أخذتهم تقدر تشتغل في مجال الــ IT معلش في البداية قد يكون الراتب ضعيف شيء ما لكن صبرك فـ
الله جل جلاله قادر على أن يخلق الكون في كن فيكون فأمره بين الكاف والنون
ولكن خلق السموات والأراضين في سبع أيام ليعلمنا الصبر وإن كل شيء بأوان
فإنت لو سرت بتوفيق الله جل وعلا على ما أقول ستكون في المقدمة وربما تصل يوم لراتب 60 ألف أو يزيد والله أنا عارف إنك مش مصدق لكن في مجال الــ IT فيه الكلام ده والموفق هو الله
وأنا الآن أبحث معك عن التميز مش أي IT لكن ما بني على حق فهو حق وما بني على باطل فهو باطل
خليك معايا بس للآخر
وبعدين خليني معاك أما أشوف (إبتسامة)
بعد الكورسين A+ ، Network+
تقدر بقى تختار أحد مسارين
الأول : سيسكو
والثاني : ميكروسوفت
طيب وقبل ما أبدأ أتكلم عن المسارين أيهما أفضل
والله يا أخي الاثنين كويسين الاثنين حلوين الاثنين طعمين (إبتسامة)
وكل له فرصه وبعدين قبل ما تقدم على أيهما عليك بالإستخارة صلى ركعتين إستخارة وعندها الله جل وعلى سيوفقك للأفضل لك ولن تندم
وعلى فكرة أنا ناوي أخليك تمشي في الإتجاهين مش بقولك إحنا نبحث عن التميز مش أي كلام
وإذا مش كنت ناوي تتميز أنصحك إعمل أوت من الموضوع وشكر الله لك
إنت زعلت طيب يا سيدي معلش ولكن والله العظيم وهو يعلم أنا اللي بفكر فيه لنفسي أطرحه بين أيديكم وأسأل الله أن ينفعني وإياكم به
وهذا ما وصلت له بعد تعب شديد في تحديد الإتجاه والله أنا بس في المجاب بقالي ثلاث سنوات وبفضل الله حصلت على شهادات
Network+, CCNA, CCNP
وكنت الأول في مجال البرمجة لمدة سنتين ولكن الحمد لله هو الموفق والهادي إلى سواء السبيل
وكان نفسي أحصل على A+ لكني الآن ومن خلال أن معي بكالوريوس حاسب قلت مش مشكلة موضوع الصيانة وأنا عندي فيه من الخبرة والمعلومات ما لا أحتاج إلى هذه الدورة في الوقت الحالي لكن هي في خططي وأنا الآن أحاول أن أذهب لميكروسوفت خليني بس أكمل لك وإنت راح تعرف وإن شاء الله تقتنع
أنا عارف إنك عايز تقول طولت علينا لكن والله أسألتك ومداخلاتك هي اللي بتعطلني عن الإكمال (إبتسامة)
المسار الأول : سيسكو
هية أقصى شيء تأخذ شهرين من طالب مجد زي سعادتكم
وعلشان ألخص عليك إذهب وإقرأ ولن تندم
وهذه بداية المشوار في سيسكو
علشان الدورة اللي بعد كده راح تكون
CCNP أيضاً من سيسكو وعلشان بس الكلام مش يكون متعاد زور الرابط السابق وهتلاقي والله برده الأمور هناك تمام راح تدلك على كل شيء بس دعواتك
وهي تأخذ 6 شهور من طالب مجد اللي هو حضرتك
طيب وبعدين
آه إنت كده أصبحت محترف في سويتشات وروترات سيسكو (معلش نسيت إن خلفيتك ضعيفة)
أقصد إنك أصبحت كده محترف في الشغل على أجهزة سيسكو
والحمد لله الراتب كبر يعني 6 آلاف مثلاً ولو ربنا كرمك ممكن تصل لـ 10 حسب الخبرة
لكن ستجد عندك عجز وقصور في الشغل على أنظمة التشغيل اللي بتشغل أجهزة الكمبيوتر وخصوصاً السيرفرات التي تدير الشبكات
هتقولي ما أنا أخذتها في A+
أقولك لا يا حلو أقصد أنظمة التشغيل من حيث إدارتها في الشبكات والأمان و... وأمور أخرى معقدة مش وقتها الآن
طيب والحل
المسار الثاني : ميكروسوفت
MCSA وهذه هي بداية المشوار في ميكروسوفت
ثم
MCSE
كلاهما في حوالي 6 أشهر بالكثير
وعندها برده من غير تفصيل في الدورتين أصبحت خبير في أنظمة تشغيل ميكروسوفت
خذ بالك الراتب عمال يزيد صحيح فيه تعب لكن ما فيه حلاوة من غير نار
وبعدين تقدر عندها ترجع تاني لسيسكو لأنك أنهيت ميكروسوفت تقريباً
وتكمل في ثلاث إتجاهات هي المستقبل
VoIP تقنية الصوت
Wireless الشبكات اللاسلكية
Security الأمن والأمان في الشبكات
ومن أهم الأشياء اللي أود أن أأكد عليها في خلال كل هذه الدورات حاول تتقن IPv6 الإصدار السادس من العناوين IP
ويا سلام عليك لو تقدر بقى تأخذ دورات في
Juniper وهي شركة منافسة لسيسكو
ويا سلامين عليك لو تقدر بقى تأخذ دورات في
Lunix نظام تشغيل أقوى من أنظمة التشغيل بتاعت ميكروسوفت لكن ميكروسوفت أشهر
وعندها ستستطيع أن تنطلق إلى عالم الخبراء في سيسكو
CCIE
أنا عارف طولت عليكم لكن أرجو من الله العي الكبير أن أكون قد وفقت في دلالتك على الطريق
ولكن قبل أن أنهي أود التنبيه على نقطتين
الأولى : أنك ممكن تذاكر لوحدك النت اليوم ما خلى شيء تبحث عن أحدث الكتب والمراجع اللازمة وتسأل وتحملها في الكورس المحدد وتبدأ تذاكر وتسأل عن أي شيء يقف معاك ومن طلب العلا سهر الليالي
ولكن لو عندك إستطاعة تأخذ كورسات يكون أفضل لأنها تكسر الوقت وتسهل الصعب
لكن لو الإمكانيات ضعيفة فخليها على ربك وتوكل عليه
والله لا يضيع أجر من أحسن عملاً
ثانياً : الخلاصة :::::::::::::::::::
A+
Network+
CCNA
CCNP
MCSA
MCSE
CCVP
CCSP
Wireless
Lunix
Juniper
CCIE

  1. التدوينة التالية
  2. التدوينة السابقة
    تعليقات الموقع
    تعليقات فيسبوك
جارى التحميل ...

تابعنا على فيسبوك

إشترك في موقعنا و كن أول الزوار !